المكونات :
2 كيلو كرموص
كيلو سكر سنيدة
حبة صغيرة من الباربا مقشرة ومقطعة
الطريقة :
نغسلو الكرموص ونقشروه خصوصا ديك الحبات اللي ما طايبينشي مزيان، نزلوهوم ف إناء ونكبو عليهم السكر سنيدة، نحركو شي شوية العناصر، ونردوهوم على عافية مهيلة. نبقاو نحركو كل 5 دفايق، ثم نرميو حبة باربا صغيرة مقشرة ومقطعة معاهم.
مي يبدا يغلي المربى كيبقى يعمل الكشكوشة، نبقاو نحيدوها غير بشوية ومن فوق بلا ما نهزو معاها الماء. نبقاو مرة مرة نحركو المربى اللي كيطيب والعافية تكون مهيلة دائما.
نحيدو قطع الباربا اللي رمينا ف المربى قبل ما نطفيو العافية، وناخذو قريعات د الزاج مغسولين ونكونو عقمناهم ونشفو مزيان، نعمرو فيهم المربى اللي حضرنا وبالصحة والراحة.
 / تطبيق : أسماء التمالح){kind=link}