المكونات:
كمية من الرزيزة
جبن موزاريلا أو أي نوع جبن ( كيسو …)
بيض ( 3 إلى 5 بيضات )
كاشير
قليل ملح وإبزار
قليل ثوم مفروم
شوية ديال الربيع ( قصيور ومعدنوس )
الطريقة :
في مقلاة ديال طيفال تكون مدهونة بقليل من الزبدة، نعملو فرشة ديال الرزيزة تكون خفيفة ما نكتروشي بزاف، نطربو البيض مع قليل ثوم مفروم، ملح، ابزار، نكبو قليل من الخليط ديال البيض على الفرشة الاولى د الرزيزة، نعملو الجبن والكاشير محكوكين من فوق.
نوليو نكبو ما تبقى من البيض المطرب مع الثوم والملح واليبزار، ونعملو طبقة جديدة من الرزيزة نغطيو بيها. نشعلو العافية ، تكون مهيلة، نحمرو الرزيزة من الوحه الأول ومي تحمر نقلبوها على الوجه الثاني يتحمر حتى هو وتقدم .
جربوها كتجي لذيذة وأحسن من اللي تقدم ف المقاهي والمطاعم برا .
