المقادير :
نصف كيلو دقيق
قبصة ملح
كاس ديال عينبة زيت
كاس ديال عينبة سكر سنيدة
كاس عينبة غير مملوء ماء
نصف كاس ماء الزهر
خميرة ونصف ديال الحلوى
لاباني واحدة
الزراراع: حبة حلاوة والنافع مطحونين
زنجلان صحيح منقي ومحمر ( الكمية حسب الرغبة ديال الزراراع وتبدأ من ملعقة كبيرة مملوءة فما فوق )
الطريقة :
كناخذو المواد الجافة كلا : الدقيق، الملح، سنيدة، خميرة الحلوى، لاباني، نضيف الزيت ونبسبسو بيدينا، من بعد نضيف ماء الزهر ونخلطو، نزيدو الماء ونجمعو بيدينا، العجين خصو يكون رطب وما كيلصقشي ف اليدين.
كنشكلو حريبلات من العجين، نضربو عليهم شوية من فوق براحة اليد، نشنفوهم من الحاشية بسكين، ونلويوهم على شكل دائري ( دملج). ناخذو بيضة نزيدولا شوية د ماء الزهر ونطربوهم، ندهنو بالخليط الكعك، نرشو بقليل من الزنجلان من فوق، وندخلو الكعك الى الفرن للطهي.
إشارات مهمة :
الفرن ضروري نشعلوه من قبل ويكون ساخن واحنا كندخلو الكعك يطيب.
العافية تكون مهيلة ونخليو الكعك يطيب على خاطرو مع المقابلة ديالو باش ما يتحرقشي.
شهية طيبة واللي جرباتو بالصحة والراحة.
