كيك بسيط بعصير البرتقال / تطبيق : أسماء التمالح

المقادير:

4 بيضات

كاس د الزيت

كاس د السكر

نص كاس د عصير البرتقال

مبشور برتقالة

قبصة ملح

2 كيسان د الطحين فورص نوع جيد

2 خميرات د الحلوى

( لعبار بنفس الكاس)

الطريقة:

كنعملو المقادير ف مولينكس: البيض، السكر، الزيت، عصير البرتقال، قبصة الملح، مبشور برتقالة، الطحين ونخدمو الآلة، نوقفو ونزيدو الخميرات، نشغلو الآلة من جديد حتى يتجانس الخليط كلو مع بعض.

ناخدو قالب الحلوى ندهنوه بشوية د الزيت والدقيق، ندهنوه ونرشوه مزيان، نكبو فيه الخليط د الكيك اللي حضرنا، ن نشعلو العافية مهييييلة، ونردو الكيك  يطيب، نخليواه مدة 45 دقيقة  .

مي كتطيب الكيك

زينيها باللي بغيتي، أنا هنا رشيت شوية د السكر كلاصي من فوق، ممكن تخليوها عادية او تزينوها باي حاجة كتعجبكم.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *