المقادير :
4 بيضات
نص كاس زيت
شوية د معدنوس مقطع رقيق
بصل مفروم
خضر : خيزو. جلبانة. كرعة خضرا. فلفلة خضرا …
زيتون اخضر مقطع
ملعقة من لهريسة
الحار حسب الرغبة
كاس صغير ماء عادي
شوية د الزعتر مسخن ومحكوك
دقيق حسب الخليط
2 خميرات ديال الحلوى
الطريقة:
ف آنية، نعملو اصفر البيض ونخليو الابيض جانيا. نزيدو لهريسة والحار، نص كاس د الزيت، نخلطو مزيان بيدينا. الخضر ممكن نستعملو الخضرة اللي كتعجبنا، هنا انا استعملت حبات من خيزو، وحبات من الكرعة خضرا، وحبات من الفلفلة خضرا، وحفنة صغيرة من الجلبانة. الخضرة كلا كنبشروها بشكل طولي ف الحكاكة، الجلبانة كنصلقوها ف ماء مع شويش د الملحة. كنذبلو الخضرة ف شوية د الزيت، والجلبانة مي كتصلق نصفيوها ونخليوها تبرد.
مي يبرد الكل كنزيدوه ن خليط البيض والحار ولهريسة، ونخلطو الجميع. ابيض البيض كنطربوه مزيان حتى يولي بحال الثلج ونضيفوه للخليط، نزيدو ديك كاس د الماء ونواصلو التحريك والخلط بيدينا،نعملو الطحين شوية بشوية،انا عملت عيني ميزاني ما عبرتشي، ثم 2 حميرات د الحلوى، نواصل التحريك والخلط حتى ينسجم الكل .
كناخدو قالب الكيك، ندهنوه بشوية د الزيت او زبيدة، نرشوه بقليل د الطحين أو طحين بنخالتو، نكبو الخليط اللي وجدنا. الفران نحاولو نشعلو عليه قبل يسخن، وندخلو الكيك يطيب على نار مهيلة لمدة 45 دقيقة بحال الكيك العادي، وايلا بانلكوم باقي خصا شوية تزيد تطيب لابأس تزيدو بعض الدقائق مع الانتباه والحذر.
مي تطيب تترك تبرد قليلا قبل تقطيعها الى شرائح، يفضل تناولها باردة مرفقة مع أطباق سلطات مختلفة.
