حليب الصوجا من بيتك / تطبيق : أسماء التمالح

المقادير :

كاس من حبوب الصوجا

4 كيسان ماء عادي

( الكاس اللي نعبرو بيه الصوجا نعبرو بيه كمية الماء)

الطريقة :

كنقيو حبوب الصوجا ونغسلوها، نعملوها ف آنية ونكبو عليها مقدار أربعة د الكيسان د الماء، نخليوها تفزك ( تنقع) ليلة كاملة، واللي مزروب على الأقل تنقع ثمان ساعات.

ف الصباح كنصفيوها ونعاودو نشللوها بماء عادي، نعملوها مع اربعة د كيسان جداد ماء ونطحنو مزيان حتى كنحصلو  على سائل الحليب. ناخدو إناء، نعملوه فيه ونردوه على نار مهيلة مع التحريك المستمر، نخليواه حتى يغلي،  من بعد نكبوه ف اناء نحطو فوق منو  شبكة ثم قطعة قماش ( حياتي ) تكون نقية ونظيفة طبعا، نكبو الخليط اللي طحنا فيها  ونحركوه شوية بملعقة خشبية باش نعاونوه يهبط، نخليواه يبرد شوية ونبداو نعصرو مزيان القماش لاستخراج الحليب.

نعصرو مزيان حتى نحصلو على حليب صوجا مصفي، نعملوه ف اواني زجاجية، نزلوه ف الثلاجة، يحتفظ به لمدة خمسة أيام فقط .

يمكن تناول حليب الصوجا طازج كما حضر، أو بإضافة سكر ولا باني، أو بإضافة سكر وكاكاو، أو نطحنوه مع فاكهة معينة الموز مثلا.

ملحوظة: هناك عدة طرق لتحضير حليب الصوجا في المنزل، تتشابه في النتيجة وتختلف شيئا ما في طرق التحضير، إن شاء الله نتعرف على طرق أخرى بعد التجربة.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *