المكونات :
كمية من الشوفان
ماء
ملح حسب الذوق
شوية من الكامون
يصلة صغيرة محكوكة
قليل من زيت الزيتون
قليل من حب الرشاد
قليل من الحبة السوداء
قليل من النافع
قليل من الزعتر
كمية من الحليب مغلى من قبل
قطع من الجبن حسب الرغبة
الطريقة :
ف طنجرة، كنعملو الماء يسخن، نرميو فيه البصلة محكوكة، زيت الزيتون، الملح، الزعتر، حب الرشاد، الحبة السوداء والنافع، نخليو الكل يغلي، ونزيدو من بعد الشوفان، نخليواه يطيب ونبقاو نحركو مرة مرة ، نعملو واحد ملعقة خشبية من فوق الطنجرة باش ما يفيضشي الشوفان وهو كيغلي.
مي يطيب الشوفان ويختر شوية، كنعملو قطع الجبن، يمكن قطعة أو جوج أو ثلاثة حسب الرغبة، نحركو حتى يذوب، ونزيدو الحليب اللي غلينا من قبل، نحركو مرة أخرى حتى يغلي الكل، نطفيو العافية ونقدمو الحساء بالصحة والعافية.
