المقادير :
باذنجان بحجم متوسط يكون بلا زريعة
ثوم مفروم
فروماج محكوك
بيض بكمية حبات الباذنجان اللي عندنا
شوية د يبزار، ملحن الحار، الكمون، الحمرة
الطريقة:
كنغسلو الباذنجان ونقطعو الجزء العلوي ديالو ف المنتصف، نخويواه غير بشوية من الوسط، نحيدو من الأسفل د كل باذنجانة شي شوية باش تجي واقفة. نعملو ماء بارد وملح نغطسو فيهم الباذنجان جانبا.
نجمعو اللبابة د الباذنجان والطروفا لوخرين اللي حيدنا منو ونقيوهوم ونحطوهم على جنب حتى نرجعو ليلوم نعملو منهم زعلوك العادي.
نرجعو دابا ن الباذنجان ديانا اللي خوينا من الوسط، كنعملو ف كل وحدة شوية من ثوم مفروم، فوقها شوية د جبن محكوك، نخويو بيضة خضرا ف كل باذنجانة، نرشو شوية بملح، شوية د اليبزار، الحار والكامون.
من جهة أخرى،كناخذو حبات من مطيشة يكونو كبارين، كنحكوهم، نزيدولوم 2 فصوص ديال الثوم محكوكين حتى هوما، شوية د يبزار، كمون، ملح، التحميرة، وشوية د الزيت.
كنصففو الباذنجان اللي عمرنا ف الاناء اللي نكونو عملنا فيه مطيشة تطيب، العافية تكون مهيلة بزاف، نغطيو الطنجرة ونخليو الباذجان يطيب على خاطرو.
ف طنجرة أخرى، كنعملو شوية د الزيت، ديك اللبابة د الباذنجان والأطراف اللي نقينا مقطعين إلى قطع صغيرة، نعملولوم شوية د العطرية : كمون، حار، خرقوم، يبزار، 2 فصوص ثوم، نغلقو الطنجرة ونردو الكل يطيبعلى عافية هادئة أيضا. كنحصلو ف النهاية على زكلوك لرافقه بطبق الباذنجان المعمر والمرفوق بطماطم طايبة.
كنقدرو نزوقو الباذنجان المعمر ديانا بجبن محكوك مرة أخرى من فوق ونقدرو نخليواه عادي ونقدموه.
