حلوى دواز أتاي / تطبيق: أسماء التمالح

المقادير :

3 بيضات

150 مللتر زيت (ما يعادل كاس عينبة )

كاس عينبة سكر سنيدة (150 غ )

ملعقة كبيرة نشا ( يمكن استبدالها ببودرة حليب نيدو)

لاباني ( 7.5 غ)

خميرة الحلوى( 8 غ)

5 كؤوس عينبة دقيق فورص جيد ( 500 غ)

الطريقة:

في إناء، نهرسو ثلاثة د البيضات بحرارة المطبخ، نزيدو السكر، لاباني، رشة ملح خفيفة. نخلطو الكل، نضيفو الزيت، ثم ملعقة ناشا او بودرة نيدو عامرة، خميرة د الحلوى ثم الدقيق.

نخلطو المكونات كلا، العجين يكون رطب، ما كتلصقشي لا باليدين لا بالاناء. نقسمو العجين، نشكلو حرابل، نفرشو صينية مدهونة او مفرش فيها ورق المطبخ. من بعد ما حطينا حرابل ف الصينية د الفرن، ناخدو سكين نضغطو بالراس ديالو على الحربول ضربة حدا ضربة حتى نكملو، من بعد نفشوه بلمنقاش من الجناب من الجهتين. نواصل  العملية حتى نكملو الحرابل كلوم.

ندخلوها ن الفران، بعد ربع ساعة كتبقى تنفخ، نخرجوها ونوليو نضغطو من جديد على ضربات راس السكين، ونرجعوها تكمل الطياب.

مي تطيب ، نعملو مربى ف الوسط، نرشو عليه رشات خفيفة من شكلاط فيرميسيل، نقطعو الحلوى إلى قطع، ويمكن رشة خفيفة في الأخير من سكر كلاصي.

شهية طيبة.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *