قريشلات عاشوراء حلوين ومالحين ( حميمص) / تطبيق : أسماء التمالح

الفقيقصات الحلوين

المقادير :

كاس عينبة وربع زيت

كاس وربع حليب ( لعبار بنفس الكاس السابق)

ملعقة كبيرة نافع وحبة حلاوة مخلطين

2 معالق كبار زنجلان محمص ومنقي

200 غ سكر سنيدة

2 معالق كبار زبدة

كيس ونصف خميرة الحلوى ( مقدار 12 غ)

لاباني وحدة

قبصة ملح

بيضة ( اختيارية )

دقيق حسب الخليط ( تقريبا 600 غ)

الطريقة :

في إناء، كنخلطو الزيت والحليب ثم السكر، نضيف لاباني، قبصة ملح،الزبدة، ونخلطو الكل. يمكن إضافة بيضة واحدة، ثم الزنجلان صحيح، النافع وحبة حلاوة، الدقيق حسب الخليط، ثم خميرة الحلوى.

نجمعو الكل، العجين يجب أن يكون رطبا لا هو خفيف لا هو ثقيل. نطلقو العجين فوق سطح العمل، نعملو حريبلات صغار طوال ونبقاو نقطعو قطع صغيرة. في لاطة مدهونة بقليل من الزيت، نعملو قريشلات ديانا وندخلوهم يطيبو على عافية مهيلة لفوق، حتى يشدو راسوم مزيان ونهبطوهم ن تحت يتحمرو مزيان باش يجيو مقرمشين وطايبين مزيان من داخل.

فقيقصات مالحين ( كمية وافرة )

مقادير العجين:

250 غ زبدة ماركرين

6 حبات جبن مثلث

ملعقة كبيرة لاموطارد

ملح حسب الذوق

2 ضامات البنة

ملعقة صغيرة تحميرة

شوية ديال السودانية

2 كيسان الزيت

2 كيسان حليب

2 كيسان ماء

الدقيق حسب الخليط ( تقريبا كيلو ونص)

الطريقة :

كنخلطو المكونات حتى تندمج مع بعضها، نضيف الزيت مع الزبدة، الحليب، الماء، الكل يكون بحرارة المطبخ ماشي بارد من الثلاجة. نزيدو الدقيق ونخلطو. نحصل على عجين رطب ومتماسك.

كنقسمو العجين إلى قطع ونبقاو نشكلو حسب الرغبة ديالنا مع التنسيم.

مثلا:

ناخذو قطعة من العجين، نزيدولا ملعقة صغيرة تحميرة، وملعقة صغيرة هريسة أو سودانية، نخدمو العجين جيدا ونشكلوها كيف بغينا.

الشكل المضفور:

كناخذو شوية من زيتون أسود نطحنوه مع شوية د الزعتر، نزيدولو شوية د بودرة الثوم، سودانية، كمون، كناخذو قطعة ثانية من العجين، كنسرحوها، كناخدو مسطرة نحسبو جوج قياسات طولية بيها ونقطعو العجين. على حافة كل عجين قطعناه نضع كمية من خليط الزيتون نطويو جيدا ونقطعو لأحجام صغيرة، نلويوها وتصففو في لاطة وتدخل الفرن لتنضج.

نضعهم يطيبو على نار مهيلة لفوق حتى يشدو راسهم مزيان ونهبطوهم ن تحت يكملو طياب ويتحمرو ونخرجوهم.

شكل آخر

ناخذو قطعة جديدة من نفس العجين اللي حضرنا سابقا، نزيدولو كمية من الجبن المحكوك، ندخلوها مزيان في العجين حتى تنسجم معاه، نرشو الدقيق فوق سطح العمل، نطلقو العجين بالمطلاق، نقطعو بقطاعة دائرية، نعملو ثقوب بشكل عشوائي، نقطعو كل دائرة إلى ثمان قطع صغيرة تعطينا مثلثات بحجم صغير، نعملوهم ف صينية د الفرن وقبل ما ندخلوهم يطيبو نقدرو نرشو عليهم من فوق شوية د بودرة الثوم أو البصل وندخلوهم يطيبو مثل الباقي اللي سبقوهم.